Reshjet e shirave gjatë ditës së sotme kanë krijuar probleme në rrugën nacionale Skuraj – Burrel. Masive gurësh kanë rrëshkitur në rrugë duke u bërë burim aksidenti. Në shumë vende kjo rrugë është e pakalueshme për automjetet e vogla për shkak të gurëve të mëdhenj mbi karrexhatë.
Që prej orës 16:00 në disa segmente në Shkopet rruga funksionon me një kah lëvizjeje. Rrezik potencial është shembja e shkëmbinjëve që mund të kthehen në tragjedi. Asnjë punëtor i firmës nuk është i pranishëm në këtë aks rrugor edhe pse problemet nga reshjet e shiut ishin paralajmëruar prej dy ditësh nga sinoptikanët.
