Një tjetër rast i infektimit pas marjes së dozës së parë ka ndodhur në një azil pleqsh në Sant’Antonio Abate të Napolit, ku 33 të moshuar kanë rezultuar pozitiv me Covid-19.
Të infektuarit, të gjitha gra, ishin vaksinuar në fillim të shkurtit me dozën e parë të vaksinës anti-Covid dhe po prisnin të merrnin injeksionin e dytë, pas 21 ditëve të nevojshme.
“Në qytet, ka gjithsej 48 raste të reja pozitive – përfshirë 33 të moshuar në shtëpinë e të moshuarve -dhe 6 janë shëruar.
Kryetari i bashkisë së Sant’Antonio Abate, Ilaria Abagnale, shpjegon se alarmi u shtri te stafi i azilit, një pjesë i të cilit rezultoi gjithashtu pozitiv për Covid-19”, citojnë mediat italiane.
Nga nisja e pandemisë, Italia numëron 2,765,412 të infektuar dhe 94,887 viktima. Ndërsa gjatë 24 orëve të fundit janë regjistruar 13,762 raste të reja dhe 347 të vdekur.
