Kreu i grupit parlamentar të Partisë Socialiste, Taulant Balla është shprehur gjatë një takimi me përfaqësues të biznesit të vogël se nga ana e qeveria është bërë i mundur sigurimi i një sasie të lartë të dozave të vaksinave. Mirëpo, Balla nuk dha më shumë shpjegime në lidhje me këtë deklaratë duke u shprehur se për detajet do të flasë më vonë kryeministri Edi Rama.
Ai apelon rritjen e vigjilencës në ruajtjen e masave dhe mbajtjen e maskave.
“Apeli im është të respektojmë masat. Dua t’i bëj një apel qytetarëve të Elbasanit. Duhet të rrisim vigjilencën. Kemi një lloj hallakatje në mbajtjen e maskës dhe distancës. Është e vetmja mundësi që ta mbajmë armikun nën kontroll.
Falë qeverisë dhe kryeministrit Edi Rama kemi arritur të sigurojmë një sasi të madhe vaksinash, kryeministri do ta njoftojë, dhe do të nisim vaksininim masiv edhe këtu në Elbasan”, tha Balla./mv.abcneës.al
