Një shqiptar dhe një italian kanë ndërruar jetë pasditen e djeshme si pasojë e një aksidenti përgjatë autostradës A4 midis San Dona di Piave dhe Cessalto në Itali.
Ata janë shqiptari 34 vjeçar, Eder Shqalshi dhe kolegu italian, Erik Galluzzo, 28 vjeç.
Të dy ishin banues në Talmassons në provincën e Udine, dhe po udhëtonin në bordin e një kamionçine.
Përplasja e ishte mjaft e fortë duke rezultuar fatale për dy të rinjtë. Ishin zjarrfikësit ata që i nxorrën nga mjeti i bërë copa. Ekipi mjekësor që mbërriti në vendngjarje nëpërmjet një helikopteri i shpalli ata të vdekur në vend.
