Kryeministri britanik Boris Johnson është kurorëzuar në martesë me të fejuarën Carrie Symonds. Ata kanë mbajtur një ceremoni private të shtunën, në Katedralen Westminster, Londër.
Dasma e tyre ka qenë surprizë për mbarë mediat, publikun dhe jo vetëm. Sipas mediave britanike, as anëtarët më të lartë të stafit të Downing Street nuk kanë qenë në dijeni.
“The Sun” raporton se Johnson dhe bashkëshortja do të bëjnë një festë të madhe për miqtë dhe familjen verën e ardhshme.
Një burim i afërt pranë Carrie është shprehur: “Ata janë shumë të emocionuar. Ishte sekreti i tyre dhe kjo e ka bërë akoma më speciale ditën”.
