Performanca e dobët dhe zhgënjyese e venezuelasit Aristoteles Romero ka bërë që bashkëpunimi midis tij dhe ekipit të Partizanit të ngrijë.
Në këtë vendim kanë ndikuar një sërë faktorësh ku përfshihet edhe impenjimi në stërvitje dhe ndeshje, megjithatë duket se të kuqtë e kryeqytetit janë të detyruar ta mbajnë atë deri në fund të sezonit.
Mesfushori nuk llogaritet më tek ekipi i parë dhe pas mos-grumbullimit në ndeshjen e zhvilluar në Gjirokastër është marrë vendimi që lojtari t’i bashkohet skuadrës B.
Me këtë vendim trajneri italian Adolfo Sormani i ka bërë dalje venezuelasit që erdhi i huazuar me bujë të madhe nga Krotone./Fjala.al/
