“Mos na refuzoni shtëpinë tonë”, emigrantët shqiptarë në Greqi paralajmërojnë protestë

113 563 lexime

124,178FansaPëlqeje

Komuniteti shqiptar në Greqi ka bërë thirrje për të gjithë emigrantët që të bashkohen për një protestë paqësore në orën 18:00 në sheshin “Sintagma” për hapjen e kufijve.

“Mos na refuzoni në shtëpinë tonë”, shkruhet në statusin e Komitetit ku theksohet se emigrantët duhet të kërkojnë që të dëgjohet zëri i tyre nga qeveria greke që vazhdon të mbajë mbyllur pikat doganore duke ndaluar udhëtimin drejt vendlindjes.

Qeveria greke ka vendosur të lërë të pa ndryshuara masat dhe të mbajë të mbyllura doganat që lidhin vendin me Shqipërinë dhe Turqinë.

Vendimi u mor prej zv.ministrit të Mbrojtjes së Qytetarit, Nikos Kardhalias dhe vlerësohet si tepër i ashpër dhe “dënues” për Shqipërinë dhe Turqinë, edhe pse shifrat e pandemisë në vendin tonë janë shumë herë më të ulëta sesa analogjia e Greqisë për 100.000 banorë.

Kështu, në doganat greke nuk do të lejohen të kalojnë turistët shqiptarë deri në 14 qershor, ndërsa mbeten të njëjtat kuota për kalimet.

Ditën e mërkurë më 9 qershor, Komiteti i Ekspertëve në Greqi do të mblidhet për të lehtësuar një sërë masash, ndërsa pritet që të ketë ndryshime edhe për hapjen e kufijve apo shtimin e kuotave në pikat kufitare me Shqipërinë.

Statusi i plotë

“Hapni tani doganat!
Mos na refuzoni shtëpinë tonë!
Edhe një herë tjetër si emigrantë shqiptarë dhe qytetarë të Greqisë ndiejmë nevojën kaq shumë të kemi një Zë të lartë, të fuqishëm dhe të fortë…! Përse qeveria greke mban mbyllur kufirin me Shqipërinë dhe ka kufizuar në mënyrë asfiktike numrin e hyrjes në Greqi, ndërkohë që me shtetet e tjera ndodh krejtësisht e kundërta?

Përse ky dallim të bëhet vetëm me shqiptarët dhe i detyron ata të gjejnë zgjidhje të tjera? Përse në këtë moment kur kufizimi i hyrjeve ndëshkon edhe vetë fermerët grekë të cilët janë në pritje të mijëra punëtorëve të kualifikuar sezonalë që vijnë nga Shqipëria?

Lexo edhe :  Avokati: Ja çfarë duhet të kemi kujdes kur dhurojmë një pronë

Përse ky dallim edhe ndaj minoritarëve grekë? Përse duhet të “ndëshkohen” me mijëra biznese nga të dy anët e kufirit të cilët kontribuojnë në ekonominë e vendit? Ju bëjmë thirrje të gjithëve pa përjashtim dhe dallim, të mblidhemi më 8/06/2021 në sheshin “Sintagma” të kërkojmë të drejtat tona në mënyrë Demokratike në një protestë Paqësore.

Të dëgjohet zëri ynë nga qeveria greke, të cilës ne i bëjmë thirrje të rishikojë qasjen e padrejtë ndaj nesh, qytetarëve të saj, pasi vazhdon me penalizmin duke mbajtur mbyllur pikat doganore dhe kështu na privohet një e drejtë themeltare për të udhëtuar drejt vendlindjes dhe anasjelltas në vendin ku kemi zgjedhur të jetojmë dhe ndërtuar jetën tonë, Greqi!

I bëjmë thirrje çdo qytetari, bashkatdhetari, intelektuali, organizate, shoqate etj, të organizohemi dhe të protestojmë në mënyrë demokratike, pasi nga qeveria shqiptare nuk kemi patur asnjëherë mbështetje!
Mos mungoj askush, të gjithë së bashku më 8/06/2021 në sheshin “Sintagma”!”

Të fundit

Reagon ashpër ish-ministri i drejtësisë: Problemet që Kodi i ri penal nuk i zgjidh

Ai ka ngritur sërish shqetësimin, sepse jo vetëm që nuk zgjidh disa probleme në Shqipëri, por i përkeqëson ato. Ish-ministri...

Denigronte me statuse dhe fjalë fyese ish-gruan në Facebook/Shpallet në kërkim 37-vjeçari

Policia e Lezhës ka shpallur në kërkim një 37-vjeçar nga Rrësheni, i cili akuzohet se në profilin që administron në rrjetin social Facebook, publikonte...

“Asist” tjetër për Jasharin, Igli Tare projekton shitjen e mesfushorit të Milanit

Ismail Benaser shikohet si si lojtari i radhës që mund të shitet nga Milani. Mesfushori nga Algjeria ka ndërruar kompaninë e menaxhimit duke firmosur...

Panik në fluturim/ Turbulencat e forta shkaktojnë lëndimin e 25 pasagjerëve

Njëzet e pesë pasagjerë u plagosën në një fluturim të Delta kur turbulenca të forta goditën aeroplanin, duke e detyruar atë të ulej. Aeroplani u nis nga Salt...

KAS i kalon ‘topin’Celibashit/ Mosrregullsi në Fier, kërkohet hetim për numëruesit

Komisioni i Ankesave dhe Sanksioneve i ka kërkuar kryetarit të Komisionit Qendror të Zgjedhjeve Ilirjan Celibashit që të hetojë numëruesit e votave nga zgjedhjet...

Lajme të tjera

Web TV