Agjencia për Menaxhimin e Katastrofave dhe Emergjencave ka njoftuar se numri i të vdekurve nga orteku në qytetin Van të Turqisë, është rritur në 33 viktima.
Gjithashtu ata njoftojnë se në të njëjtin vend brenda 24 orëve kanë ndodhur dy orteqe.
“Sipas informacioneve që posedojmë, 33 persona kanë humbur jetën dhe 53 të tjerë janë lënduar”, njoftoi Agjencia.
Më tej ajo njofton se në zonë janë dërguar 59 ekspertë të kërkim-shpëtimit, me 11 automjete.
“Gjithashtu një ekip prej 75 personave të kërkim-shpëtimit të xhandarmërisë dhe ekip kërkim-shpëtimi prej 10 personash të AFAD-it bashkë me dy automjete, si dhe një avion ushtarak nga Ankaraja janë dërguar në rajon”, u shpreh Agjencia për Menaxhimin e Katastrofave dhe Emergjencave./Fjala.al
