Pasi mazhoranca u tërhoq nga miratimi i paketës Antishpifje, për të marrë edhe opinionin e Komisionit të Venecias, një delegacion i këtij komisioni do të zbarkojë sot në Tiranë.
Paketa Antishpifje e cila u kundërshtua nga opozita, përfaqësuesit e medias dhe organizmat ndërkombëtarë u pa e udhës që ligji për mediat audiovizive dhe ai i portaleve kishin nevojë për përmirësim.
Për këtë arsye, Këshilli i Evropës dhe OSBE e dërguan çështjen në Komisionin e Venecias. Në këtë mënyrë misioni faktmbledhës do të nisë sot turin e takimeve me palët e ndryshme lidhur me këtë ligj.
Delegacioni i Komisionit të Venecias do të jetë në Tiranë për tri ditë dhe do të zhvillojë takime me nënkryetaren e Kuvendit, Vasilika Hysi, ditën e sotme në orën 9:15. Ndërsa më vonë, do të takohen edhe me grupet parlamentare të mazhoranës dhe të opozitës. Ata do të zbarkojnë edhe zyrën e presidentit Ilir Meta në ditën e nesërme. Gjithashtu ata do të priten edhe nga përfaqësues të qeverisë së kryeministrit Rama.
Pas takimit me kreun e shtetit, delegacioni ka të planifikuar edhe një takim me kryetaren në detyrë të Gjykatës Kushtetuese, Vitore Tusha, si dhe me disa krerë të institucioneve të pavarura, si kreun e AKEP dhe me avokaten e Popullit, Erinda Ballanca. Komisioni i Venecias pritet të dalë në një opinion përfundimtar mbi paketën Antishpifje në muajin mars./Fjala.al/
