Pëshëngritësi, kampion bote dhe disa herë kampion olimpik, Piro Dhima ka përcjellë ditën e sotme për në banesën e fundit nënën e tij, Lefterie Dhima, 75-vjeç, e cila ndërroi jetë pak ditë më parë. Dhima ka mbërritur nga SHBA-ja ku dhe jetonte prej vitesh dhe mes lotëve, i ka dhënë lamtumirën e fundit nënës së tij, e cila vdiq e vetmuar në banesën e saj në Himarë. Në këtë ceremoni kanë qenë të pranishëm një numër i vogël të të afërmish, në respekt të masave anti-COVID, ku shihen edhe teksa mbajnë maskën.
Dhima u vendos në qendër të kritikave ku u akuzua se ka braktisur nënën e tij, por ai u përgjigj se e ëma, si të gjitha nënat shqiptare nuk kishte dashur që të shkonte në Amerikë, por që të jetonte në shtëpinë e saj. Dhima shtoi se kontakti i fundit me nënën ka qenë me telefon, para 4 ditësh, ndoshta 1 ditë para se të ndërronte jetë, duke qenë se dyshohet që edhe pse u gjet sot e pajetë të ketë ndërruar jetë 3 ditë më parë, kur e kanë gjetur fqinjët. Dhima tregon se filluan të shqetësoheshin kur ajo nuk po i përgjigjej më telefonatave të tyre disa ditë më parë, kur mësoi lajmin e trishtë.
