Policia e Tiranës i është përgjigjur Prokurorisë së Posaçme kundër Krimit dhe Korrupsionit (SPAK) ku e informon se ish-kryeprokurori Adriatik Llalla nuk është gjendur.
Në shkresën e saj, Policia bën me dije se ka bërë të gjitha verifikimet me metoda speciale, por nuk e ka gjetur, ndaj dhe i ka kërkuar SPAK të nisë procedurat për ta shpallur Llallën në kërkim ndërkombëtar.
Adriatik Llalla tashmë është i dënuar me 2 vite burg nga Gjykata e Posaçme kundër Korrupsionit dhe Krimit të Organizuar (GJKKO) për “fshehje të të ardhurave”, nuk ka marrë pjesë në seancat gjyqësore, por është përfaqësuar nga avokati i tij mbrojtës.
Për këtë arsye, SPAK ka nisur procedurat për shpalljen në kërkim ndërkombëtar të Llallës, i cili është larguar nga Shqipëria më 7 shtator nga Rinasi drejt Romës. Ndërkohë që vendndodhja e tij nuk dihet se ku është aktualisht.
