Partizani dhe Kukësi janë ndarë në barazim 1-1, në sfidën e vlefshme për javën e 5-të në Abissnet Superiore. Sfida e zhvilluar ishte me të vërtetë spektakolare, ku nuk munguan golat dhe rastet, por në fund nuk kishte një fitues.
Pjesa e parë ishte disi e qetë nga të dyja skuadrat, duke u mbyllur me rrjeta të paprekura. Në 45 minutat e dyta, skuadrat tentuan më shumë në sulm dhe u realizuan dy gola.
Fillimisht ishte Tedi Cara, i cili në minutën e 65-të, shfrytëzoi në mënyrë të shkëlqyer një asist të Emiljano Mustës, për ta dërguar topin në rrjetë, duke i dhënë avantazhin Partizanit.
Megjithatë ky avantazh zgjati vetëm 5 minuta, pasi në minutën e 70-të Feijao pas një krosimi të Milunovic, gjuan bukur me kokë dhe e ndal topin në fundin e rrjetës.
Të kuqtë kishin edhe disa raste të tjera për shënim, por portieri Tafas, nuk lejoi topin të shkonte në rrjetë. Kështu Partizani vazhdon të mos njohë fitore për këtë sezon në Superiore dhe pas javës së 5-të, mban vendin e shtatë me 4 pikë, ndërsa Kukësi i bashkohet Tiranës, Teutës dhe Egnatias në krye me 8 pikë.
