Ambasadorja e SHBA në Tiranë, Yuri Kim, mbështet integrimin e Shqipërisë dhe Maqedonisë së Veriut në Bashkimin Evropian, ndërsa thekson se procesi i negociatave duhet të nisë pa vonesa.
Ambasadorja Kim shpërndan deklaratën e përbashkët të Sekretarit Amerikan të Shtetit, Antony Blinken, dhe Përfaqësuesit të Lartë të BE për Politikën e Jashtme, Josep Borrell, të cilët shprehen se vendet e Ballkanit Perëndimor i përkasin Bashkimit Evropian.
“SHBA dhe BE pajtohen se rajoni i Ballkanit Perëndimor i përket Bashkimit Evropian dhe negociatat e pranimit me Shqipërinë dhe Maqedoninë e Veriut duhet të fillojnë pa vonesa. Pranimi në BE, një përparësi e deklaruar për të gjithë Ballkanin, ndihmon në konsolidimin e institucioneve demokratike, në mbrojtjen e të drejtave themelore dhe avancimin e sundimit të ligjit”, shkruan ambasadorja Kim.
?? & ?? agree WB region belongs in EU & accession negotiations w/ ?? & ?? should start without delay. EU accession, a stated priority for the whole WBalkans, helps consolidate democratic institutions, protect fundamental rights & advance rule of law. https://t.co/CyT5PAjHpY
— Ambassador Yuri Kim (@USAmbAlbania) October 20, 2021
