Qentë endacakë janë një problem më vete që haset në shumë qytete shqiptare dhe shpeshherë përbëjnë rrezik pasi sulmojnë kalimtarët.
Në një situatë të tillë është gjendur një vajzë nga Ferizaj, në Kosovë. Kamerat e sigurisë kanë kapur momentin kur ajo po kalonte në anën tjetër të rrugës, ndërkohë që sulmohet nga një tufë qensh.
Por fatmirësisht në momentin e fundit ndërhyjnë disa të rinj me makinë duke bërë që qentë të tremben dhe të shpërndahen. Vajza shtanget për një moment dhe më pas duket se falenderon të rinjtë që u gjendën në çastin vendimtar. Video është publikuar nga mediat kosovare.
