Presidenti rus Vladimir Putin i kërkoi parlamentit rus leje për të përdorur forcën ushtarake jashtë vendit një veprim që mund të parashikojë një sulm më të gjerë ndaj Ukrainës pasi SHBA-të thanë se një pushtim tashmë ishte duke u zhvilluar atje.
Para pak çastesh parlamenti rus ka pranuar kërkesën e Putin dhe vendimi i dhomës së lartë të parlamentit hyn në fuqi menjëherë dhe mund të parashikojë një sulm më të gjerë ndaj Ukrainës.
Të hënën, Moska njohu pavarësinë e rajoneve rebele të mbështetura nga Rusia në Ukrainën lindore. Disa liderë perëndimorë kanë thënë se trupat ruse ishin zhvendosur në lindje të Ukrainës dhe SHBA-ja e quajti atë një “pushtim”.
Disa liderë evropianë thanë më herët gjatë ditës se trupat ruse kanë lëvizur në zonat e kontrolluara nga rebelët në Ukrainën lindore pasi Putini njohu pavarësinë e tyre. Por ishte e paqartë se sa të mëdha ishin lëvizjet, dhe Ukraina dhe aleatët e saj perëndimorë kanë thënë prej kohësh se trupat ruse po luftojnë në rajon, por Moska i mohon këto akuza.
