Ambasadorja amerikane Yuri Kim ka shkuar këtë të dielë në Durrës për të vëzhguar nga afër procesin zgjedhor.
Në një prononcim për mediat, diplomatja amerikane tha se “situata duket shumë e qetë dhe e rregullt deri më tani”.
Të gjithë ato Qendra Votimi që kemi vizituar deri tani duket se cdo gjë po shkon mirë”.
E pyetur për një mesazh për qytetarët në këtë ditë, Kim tha:
“Vota është e drejta juaj dhe përgjegjësia juaj kështu që votoni”.
Kujtojmë që përfaqësues të ambasadës amerikane në Tiranë janë shpërndarë këtë të dielë në të gjashtë bashkitë e vendit ku qytetarët janë thirrur sot për të zgjedhur kryetarin e qytetit të tyre.
