Lufta e ashpër në Ukrainë ka detyruar shumë qytetarë ta braktisin vendin e tyre.
Gazetari italian, Roberto Saviano shpërndan vazhdimisht video lidhur me situatën e krijuar në Ukrainë. Së fundmi ai ka postuar një video të kllounëve që argëtojnë fëmijët ukrainas të cilët kanë ikur nga agresioni rus dhe gjenden në Moldavi.
“Duket çmenduri t’u japësh balona atyre që nuk kanë më një shtëpi ku të kthehen, por loja dhe magjia në duart e fëmijëve që kanë parë vdekjen dhe shkatërrimin, i lejon ata të shohin ende mundësinë e një rikthimi në jetë. Diçka që ju nevojitet si buka dhe batanijet”, shkruan Saviano.
