Detaje të reja kanë dalë në dritë nga zjarri i rënë mbrëmjen e së shtunës në Komisariatin nr. 5 në Kamëz.
Raportohet se zjarri dyshohet se është vendosur nga 26-vjeçari Arben Mici, i cili si pasojë e flakëve ndërroi jetë në spital. Ishte ora 21:00, kur Mici i ka vendosur zjarrin batanijes, me flakët që nisën të shpërndaheshin në të gjithë perimetrin e dhomës, duke çliruar në ajër shumë toksina helmuese.
Paraprakisht dyshohet se ka qenë vetëvrasje. Dilaver Idrizi dhe punonjësi i policisë Hajredin Boja janë përpjekur të shuajnë flakët dhe të nxjerrin nga vatra 26-vjeçarin dhe kanë mbetur të lënduar. Kjo është ekspertiza paraprake për zjarrin në komisariat.
