Kryetarja e LSI-së Monika Kryemadhi thotë se do nisin përgatitjet për zgjedhjet lokale 2023.
“Aktiviteti i parë pas zgjedhjeve të 25 prillit, por edhe pas zgjedhjeve të delegatëve të konventës, ky është takimi i parë me delegatët e parë, i cili është një proces që do fillojë duke lëvizur.
Sot jemi më të qartë se ditën e 25 prillit për tradhtinë e madhe që pësoi opozitarizmi shqiptar. Kjo është një nga pikat më të dobëta që ne patëm në fushatën tonë, kemi kuptuar qartë anët tona më të dobëta dhe më të forta.
Ndaj e kemi thirrur këtë mbledhje sepse është përgjegjësia jonë që duke vënë në funksion edhe veprimet e së shkuarës për të nisur që sot përgatitjet tona për zgjedhjet lokale. Organizmi nis nga bashkia e Tiranës dhe do të vijojë në të gjitha bashkitë”, tha Kryemadhi.
