Vendi ynë do të ndikohet nga kthjellime dhe vranësira që do të gjenerojnë reshje shiu, kryesisht në zonat malore.
Sipas MeteoAlb vendi ynë gjatë paradites do të jetë me alternime kthjellimesh dhe vranësirash të pakta, të cilat më të dukshme do të jenë përgjatë shtrirjes Lindore. Por orët e mesditës dhe pasdites zhvillojnë vranësirat në territor, duke krijuar mundësi për shira të pakët në zonat malore dhe pjesërisht në zonat e ulëta. Ndërsa pjesa më e madhe e vijës bregdetare do të jetë në dominimin e motit të qëndrueshëm.
Temperaturat e ajrit do të mbeten kostante në mëngjes, por do të ulen lehtë në mesditë duke luhatur vlerat ditore nga 7°C deri në 24°C.
Era do të fryjë mesatarisht me shpejtësi 38 km/h nga drejtimi Veriperëndiomore duke krijuar në brigjet detare dallgëzim 2 – 3 ballë.
