Para votimit në Kuvend, Bajram Begaj: Dashuria për Atdheun, busulla ime

113 563 lexime

124,178FansaPëlqeje

Kandidati për President i Republikës Bajram Begaj ka reaguar para votimit nga parlamenti, ku ka dhënë një mesazh për mediat në rast se Kuvendi e votëbeson në detyrën si president i ri i vendit.

‘Ishte sa e papritur aq edhe e madhe pesha e emocionit që ndjeva, kur mora lajmin se mazhoranca parlamentare kishte vendosur të më paraqiste si kandidat në seancën e sotme për zgjedhjen e Presidentit të Republikës.

Me mirënjohje të thellë dhe respektin më të lartë për bashkëpunëtorët, kolegët, anëtarët e familjes së madhe të Forcave të Armatosura të Republikës, kam nënshkruar kërkesën për lirimin nga detyra e lartë ku kam pasur deri më sot nderin e përgjegjësisë së Shefit të Shtabit të Përgjithshëm.

Fjalët nuk kanë qenë kurrë arma ime më e fortë, por edhe sikur të ishin jam i bindur se do ta kisha të vështirë t’i gjeja në këtë rast. Ky është një ndër ato raste që fjalët nuk e përshkruajnë dot. Vetëm përkushtimi me besnikëri absolute ndaj Republikës, qytetarëve dhe Kushtetutës së saj, mund ta tregojnë sadopak madhësinë e këtij nderi.

Puna ime si mjek dhe si ushtarak më ka mësuar shumë, po mbi të gjitha më ka mësuar vlerën e respektit për tjetrin dhe të dashurisë për atdheun. Nëse Kuvendi i Shqipërisë do të vendosë sot që unë do të jem Presidenti i ardhshëm i Republikës, respekti për tjetrin dhe dashuria për atdheun do të jenë shigjetat e busullës sime në atë detyrë të lartë. Respekt pa kushte për të gjithë shqiptarët pa dallim feje, krahine dhe ideje. Respekt i barabartë për të gjitha palët përfaqësuese të popullit shqiptar.

Respekt për miqtë dhe aleatët strategjikë të Shqipërisë. Shqipërinë mbi gjithçka.

Lexo edhe :  DASH do t’i heqë “non gratën” Berishës? Ish-zyrtari i lartë: Ja si hiqet masa

Duke i falenderuar të tërë për fjalët e mira e mesazhet miqësore dhe duke shprehur respektin më të madh për gazetarët që bëjnë detyrën e tyre fisnike, lutem përulësisht mirëkuptimin e të gjithëve për refuzimet e intervistave apo prononcimeve mediatike. Jam mësuar që puna ime të flasë për mua, jo unë për veten time dhe kam frikë se nuk e ndryshoj dot këtë edhe po të dua.’- shkruhet në letrën e Begajt.

Të fundit

Hyrja në ambasada në ‘90, shqiptarët u ndoqën nga Sigurimi edhe në kampet jashtë vendit!

Më 2 korrik të vitit 1990, mijëra shqiptarë hynë në territorin e ambasadave të huaja që funksiononin në atë...

3 Korrik 1967: Beteja e Kraterit gjatë emergjencës së Adenit

Më 3 korrik 1967, në kuadër të emergjencës së Adenit, ndodhi Beteja e Kraterit, një përleshje e armatosur mes forcave britanike dhe elementëve rebelë...

Temperaturat e larta/ MSH: Institucionet publike dhe private të zbatojnë masa mbrojtëse

Ministria e Shëndetësisë, në bazë të rekomandimeve të Institutit Kombëtar të Shëndetësisë Publike të Kosovës ka kërkuar që institucionet publike dhe private të zbatojnë...

Frrok Çupi: Berisha po udhëton nëpër Europë për të fshehur pasurinë

Analisti Frrok Çupi thotë se kreu i PD, Sali Berisha po fsheh pasurinë që ka vënë në sajë të korrupsionit. Në një intervistë për “Newsline”...

Vrasja e Martin Canit, dëshmon oficerja e sigurisë në shkollën “Fan Noli”

Gjykata e Tiranës dëgjoi tre dëshmi në procesin ndaj të miturit të akuzuar për vrasjen me thikë të bashkëmoshatarit Martin Cani. Një mësuese, oficerja e...

Lajme të tjera

Web TV