Arkeologu dhe ish-kryeministri i Shqipërisë, Aleksandër Meksi, ka publikuar librin e tij me titull “Kishat e Shqiperisë- Historia, Arkitektura, shek. IV-XV”. Lajmin e ka bërë të ditur përmes një statusi në Facebook.
Meksi shkruan se ky libër është rezultat i pothuajse 60 vite punë në këtë fushë.
Statusi i plotë:
Më në fund doli nga shtypi punimi im “Kishat e Shqiperisë- Historia, Arkitektura, shek. IV-XV”, Botuar nga “Plejad”. Ështe një paraqitje e ndërtimeve të kultit të krishterë që ruhen në territorin e sotëm të Shqiperisë përfshirë dhe ato të dala nga germimet arkeologjike mbështetur edhe në studimet e historianeve të arkitekturës dhe arkeologëve vendas e te huaj, me synimin e nje njohje më te mirë e më te plote nga të interesuarit për trashëgimine dhe historinë e këtyre shekujve edhe me të dhënat më të fundit. Libri ka 625 faqe dhe 450 ilustrime (foto e vizatime) dhe është paisur dhe me një përmbledhje në gjuhën angleze dhe diçiturat e ilustrimeve po ne anglisht. Ndihem miŕenjohës ndaj kolegëve qe më ndihmuan me literature, ilustrime e sugjerime e vërejtje. Libri është rezultat I thuajse 60 viteve pune ne ketë fushe.
