Çekia merr presidencën e BE-së, Kovaçevski: Po shqyrtojmë propozimin francez!

113 563 lexime

124,178FansaPëlqeje

Republika çeke merr sot presidencën e radhës së BE-së, dhe listën e prioriteteve të radhës së saj për të udhëhequr Këshillin e Bashkimit Europian e ka të gjatë, por zgjerimi i bllokut nuk është lart në axhendë.

Në krye të listës, Praga do të ketë Ukrainën. Pas Polonisë, Çekia është vendi i BE-së që mbështet më fort Kievin, ku ka dërguar armë përfshirë dhe tanke, e ka strehuar edhe 350 mijë refugjatë ukrainas. Me këtë në mendje, Parisi zyrtar nxitoi të përmbushte kërkesën e Shkupit për të modifikuar propozimin e tij në ditën e fundit të presidencës franceze, ashtu siç kishte kërkuar pala maqedonase, duke pranuar disa nga vërejtjet e saj.

Arritja e një marrëveshjeje tani mbi këtë dokument, do t`i hapte rrugën zhbllokimit të procesit të integrimit europian. Kryeministri maqedonas, Dimitar Kovacevski, pasi u pyet për detajet e propozimit të ri francez, tha ato do të bëhen të ditura në ditët në vijim, por shtoi se aspektet historike – një nga çështjet më të ndjeshme në kontestin me Sofjen – nuk do të jenë pjesë e kornizës negociuese për anëtarësim në BE.

Kovacevski: Tashmë na mbërriti edhe zyrtarisht propozimi francez pas ndërhyrjes sonë javën e kaluar në Bruksel. Propozimi do të publikohet pasi të kalojë të gjitha filtrat në institucione. Do të pasoje një proces i gjerë në të cilin do të përfshihen edhe presidenti dhe opozita.

Kovaçevski bëri thirrje që opinion të përmbahet nga spekulimet pasi siç tha ai, vendimi do të miratohet me konstruktivitet dhe do të mbrojë interesat kombëtare. Sot janë parashikuar një sërë takimesh dhe konsultash lidhur me propozimin, që pas kësaj do të publikohet i plotë në faqen e ëeb-it te qeverisë.

Lexo edhe :  Sllovenia zbardhet nga bora në mes të verës

Bullgaria anëtare e BE-së kishte refuzuar të miratojë kuadrin e negociatave të anëtarësimit për Maqedoninë e Veriut, për shkak të mosmarrëveshjeve mbi historinë dhe gjuhën. Por ligjvënësit bullgarë votuan për të lejuar qeverinë të heqë veton e saj pas ndryshimeve në tekstin e kuadrit që do të garantonte të drejtat e bullgarëve në Maqedoninë e Veriut përmes ndryshimeve kushtetuese dhe do të angazhonte Shkupin të mbajë marrëdhënie të mira me Bullgarinë.

Të fundit

Gjirokastër/ Aksion në tregun rom, tregtarët: Jemi në buzë të malit nuk pengojmë asnjë

Bashkia e Gjirokastrës ka nisur ditën e sotme një aksion në tregun rom të qytetit. Mësohet se fadromat kanë...

Toka e klubit Partizani çon ish-presidentin në gjykatë/ Malltezi do e padisë për shpifje

Pas deklaratave të ish-presidentit Alfred Moisiu, mbrëmjen e djeshme në emisionin “Off the Record” për rastin “Partizani”, ka reaguar sot Jamarbër Malltezi, i cili thotë...

Ultimatumi i Ramës, nisin dorëheqjet e administratorëve në bashkitë Korçë e Kolonjë

Pas thirrjes së kryeministrit Rama, nisin dorëheqjet e administratorëve në juglindje të vendit. Burime për A2 CNN bëjnë me dije se të 7 administratorët e...

GJKKO liron nga paraburgimi ish-shefin e qarkullimit të Tiranës

Ish-shefi i Rrugores, Roven Zeka, është liruar nga qelia me vendim të Gjykatës së Posaçme Anti-Korrupsion (GJKKO). Togat e zeza të GJKKO-së kanë ndryshuar masën...

BE-ja – gati t’i vendosë tarifa SHBA-së, nëse s’ka marrëveshje

Bashkimi Evropian ka përgatitur një listë tarifash – në vlerë prej 21 miliardë eurosh – për mallrat amerikane, nëse dy palët nuk arrijnë marrëveshje...

Lajme të tjera

Web TV