Mes Shqipërisë dhe Kosovës nuk do të këtë më kufij. Kryeministri Edi Rama ka bërë me dije se pika e kalimit kufitar e Morinës do të hiqet dhe kjo marrëveshje mes dy vendeve do të jetë në fuqi çdo vit.
Në videon e publikuar në rrjetet sociale, shihet sesi pushuesit nga Kosova prisnin në radhë të gjata për të hyrë në Shqipëri verën e kaluar, ndërsa këtë vit me marrëveshjen e arritur mes dy vendeve nuk do të ketë më kufi për muajt e verës dhe festat kombëtare.
‘Pushimet e para pa kufi mes Shqipërisë dhe Kosovës dhe kështu tash e tutje, përvit e për krejt vitin”, shkruan Rama.
Marrëveshja mes dy shteteve ka mundësuar që deri më 30 shtator për çdo fundjavë dhe festë zyrtare, qytetarët të mos regjistrohen nga Policia e Kosovës dhe Shqipërisë. Ndërkohë që në kufi radhët janë zhdukur.
