Me siguri kur përmenden bunkerët, na vijnë të gjithëve ndër mend ukrainasit që strehohen për t’i shpëtuar luftës.
Mirëpo, në Kinë, strehohen për një arsye tjetër! Banorët në jugperëndim të Kinës po marrin masa për t’u përballur me një valë rekord të të nxehtit për shkak të temperaturave që i kalojnë 40 Gradë Celcius.
Ata janë detyruar të futen në bunkerë të nëndheshëm dhe restorante brenda shpellave në përpjekje për tu fshehur nga nga nxehtësia. Disa ekspertë thonë se intensiteti i valës së të nxehtit mund ta bëjë atë një nga më të këqijat e regjistruara në historinë globale.
Disa stacione treni në provinca zvogëluan ndriçimin për të kursyer energjinë elektrike, me foto dhe video në mediat sociale që tregojnë njerëz të ulur në vagonë me dritë minimalistë në Chongqing dhe duke ecur nëpër rrugë të errëta.
Për të ruajtur energjinë, zyrave qeveritare në Sichuan thuhet se iu kërkua të mbajnë nivelet e ajrit të kondicionuar jo më të ulët se 26 Gradë Celcius, ndërsa autoritetet Chongqing urdhëruan firmat industriale të kufizojnë prodhimin deri të enjten.
dministrata meteorologjike tha se moti i nxehtë pritet të vazhdojë për të paktën tre ditët e ardhshme në zonë, si dhe në provincat përreth qendrës tregtare Shangai. Por nuk është vetëm Sichuan që është prekur me më pak reshje shiu që rrjedhin në lumin Yangtze të Kinës, veçanërisht në digën e Tre Grykave, nivelet e ujit kanë rënë dhe energjia është kufizuar në qytete të ndryshme në Kinë.
