Pasi një gazetë spanjolle publikoi detaje të negociatave të kontratës së FC Barcelona me lojtarin Lionel Messi të mërkurën, klubi i futbollit kërcënoi se do të ndërmarrë veprime ligjore.
El Mundo publikoi detajet e kërkesave të Messit gjatë rinovimit të kontratës së tij me Barcelonën në vitin 2020. Kjo ishte një vit para se futbollistit 33-vjeçar t’i skadonte kontrata dhe të largohej tek skuadra franceze Paris Saint-Germain.
Disa nga kërkesat e Messit supozohet se përfshinin një zgjatje tre-vjeçare, një sektor privat shikimi për familjet e tij dhe të lojtarit spanjoll Luis Suarez në stadiumin Camp Nou në Spanjë dhe një bonus rinovimi afërsisht 10 milionë euro. Kërkesat shtesë thuhet se përfshinin një aeroplan privat dhe komision për vëllain e tij Rodrigo.
Messi gjithashtu bëri presion për eliminimin e klauzolës së tij të lirimit, tarifën që një klub mund të paguajë për të shkarkuar një lojtar, duke e ulur atë në një vlerë simbolike gati 10,000 euro, e padëgjuar për një lojtar të shtatit të Messit. Kjo do të ishte reduktuar nga afërsisht 700 milionë euro, por Barcelona thuhet se refuzoi të nënshkruante këtë kërkesë.
Lojtari dhe klubi ranë dakord vetëm për shtatë nga nëntë kërkesat e Messit dhe negociatat u ndërprenë.
Pas publikimit të raportit në El Mundo, klubi spanjoll i futbollit lëshoi një deklaratë duke hedhur poshtë pretendimet.
“Në lidhje me informacionin e publikuar sot në El Mundo … FC Barcelona shpreh indinjatën e saj për rrjedhjen e qëllimshme të informacionit që është pjesë e një procesi ligjor”, tha Barcelona në një deklaratë.
“…me synimin për të mbrojtur të drejtat e FC Barcelona, departamenti ligjor i klubit po studion masat ligjore që duhen marrë”.
