Dejan Kulusevski është kthyer të flasë për largimin e tij nga Juventus dhe kalimin te Tottenham në një intervistë të dhënë për La Gazzetta dello Sport.
Pas shpërthimit të Parma, transferimi i tij tek Juventus ka ngadalësuar rritjen e tij.
Nga janari ka rilindur falë transferimit te Tottenham. Të gjitha tema të trajtuara nga suedezi:
“Unë futem në fushë gjithmonë për të dhënë maksimumin. Megjithatë, tek Juventus gjërat nuk funksioninin pavarësisht se unë jepja gjithçka si gjithmonë.
“Sigurisht, tek Juventus nuk jam ndier shumë mirë për arsye të ndryshme dhe kur e kupton se gjërat nuk shkojnë, më pas është e vështirë ta ndryshosh situatën. Për këtë arsye zgjedhja për t’u larguar nga Italia ka qenë më e mira që mund të merrja.
“Conte? Trupi im ka ndryshuar në shumë pak kohë te Tottenham, kryesisht falë ushtrimeve në palestër. Punojmë shumë çdo ditë dhe më mirë nga sa bëja në Itali.
“E adhuroj mënyrën si stëvitemi në Londër dhe sigurisht është meritë e trajnerit. Jam shumë i lumtur që luaj për të”
