Ambasada amerikane në Moskë iu ka bërë thirrje qytetarëve të vet që të largohen menjëherë nga Rusia.
Sipas “The Guardian” ambasada amerikane tha në një deklaratë se qytetarët me dy nënshtetësi mund të thirren për t’u bërë pjesë e mobilizimit të qeverisë ruse, në mbështetje të pushtimit të saj në Ukrainë.
“Rusia mund të refuzojë të njohë shtetësinë amerikane, të mohojë aksesin e tyre në konsullatën e SHBA-së, të parandalojë largimin e tyre nga Rusia dhe të rekrutojë këta shtetas për shërbimin ushtarak,” thuhet në deklaratën e tyre.
