Seriali i famshëm ‘Chernobyl’ fitoi tre çmime Emmy, risolli historinë e shpërthimit dhe pasojave të tmerrshme të Çernobilit të vitit 1986 në Ukrainë.
Gruaja e cila është edhe në qendër të këtij seriali, Lyudmila Ignatenko, gruaja e njërit prej zjarrfikësve të vdekur në këtë shpërthim, nuk pranoi që t’i tregonte historinë e saj, organizatorëve të serialit për shkak se i druhej ‘sulmeve’ në media.
Por, së fundmi ajo ka folur për herë të parë për BBC-në.
Ludmilla shprehet me lot në sy kur kujton momentet e fundit që kaloi me bashkëshortin përpara se ai të vdiste në Çernobilin e tmerrshëm, si një prej shumë zjarrfikësve që vdiqën pas atij shpërthimi të tmerrshëm.
“Ai më dhuroi tre karafila nga jastëku i tij. Ato ishin lulet e fundit që ai më dhuronte mua. Do ta kujtoj deri në fund të jetës sime se si qëndruam të dy në dritare. Ne nuk e dinim që ky ishte momenti ynë i fundit që ne rrinim bashkë”, kujton me lot në sy Ludmilla.
Ajo është akuzuar se dashje pa dashje ka vrarë foshnjën e saj, se ka qëndruar afër bashkëshortit, pranë zonë me rrezatim që çliroi shpërthimi i Çernobilit.
“Jam akuzuar se kam vrarë foshnjën time duke qëndruar afër zonës së rrezatimit, kur isha shtatzënë. Por, më thoni ju si mund ta lija burrin tim? Mendoja se foshnja ishte e sigurt brenda meje. Ku dinim gjë ne për rrezatimin?”, thotë Ludmilla, foshnja e së cilës vdiq 4 muaj pas lindjes.
