Komisioni i Disiplinës në Federatën Shqiptare të Futbollit është kthyer në një sektor gjobëvenie dhe përfitimi për drejtuesit e këtij institucioni, që dirigjojnë çdo vendim që anëtarët e këtij komisioni duhet të japin.
Rasti më i fundit është dënimi që Disiplina ka dhënë ndaj dy klubeve të kryeqytetit Tiranës dhe Partizanit, të cilët në ndeshjen e fundit derbi që u zhvillua në “Air Albania”, nga incidentet e shkaktuara nga tifozeritë u gjobitën me afërsisht 30-mijë euro, që do paguhen nga të dy klubet.
Ajo që është skandaloze në këtë vendim, është se nga 300- stola që rezultojnë të thyer sipas FSHF-së pasi deri më tani nuk ka asnjë fakt për të vërtetuar se sa stola janë thyer, pasi këto janë bilacet që i bën vet Federata dhe gjobat i cakton po Federata, ndërsa klubet janë të detyruara vetëm të paguajnë, pa pasur asnjë forcë për të bërë të kundërtën.
Kosto e një stoli që janë vendosur në stadiumin “Air Albania” shkon tek 30 deri në 40 euro, ndërkohë që Federata në dënimet që jep për klubet e ka caktuar koston e stolit 100 euro.
Është një shifër tërsisht abuzive e cila ka për qëllim vetëm mbushjen e arkave dhe xhepave të kupolës drejtuese të Federatës.
Një tjetër fakt është se përveç gjobave që Federata ju vendos klubeve, ajo nuk u lejon atyrë që gjatë sfidave që zhvillojnë në “Air Albania” ku sërish ekipet paguajnë një shifër të majme me 10- mijë euro, të shesin produktet e tyre.
Kjo për faktin se Armand Duka këtë godinë e ka kthyer në një institucion biznesi personal, duke filluar që nga security që caktohen nga FSHF-ja dhe klubet nuk kanë të drejtë të zgjedhin një kompani të tyrë, por janë të detyruar të paguajnë atë që u cakton Federata.
E njëjta gjë vlen dhe fjala vjen për pijet alkolike që konsumohen, duke nisur që nga birra, ku e vetmja që ka ekskluzivitetin e shitjes është birra çeke Budweiser, e cila futet në Shqipëri nga Armand Duka.
E njëjta gjë është dhe me verën, ku e vetmja që shitet në ambientet e “Air Albania” është “Vera Duka”, në pronësi të Armand Dukës.
E njëjta gjë është dhe më shitjen e biletave ku kompania që i menaxhon një pjesë të përqindjes ja dhuron FSHF-së.
Është çdo gjë një biznes i pastër që Federata Shqiptare e Futbollit bën ndaj dy klubeve të kryqyetit, të cilave iu merr para nga çdo drejtim i mundshëm.
Një nga arsyet kryesore të gjobës dhe mbylljes së stadiumit “Air Albania” deri më 16 nëntor kur do luhet miqësorja me Italinë, lidhet me gjëndjen skandaloze që ka tapeti i “Air Albanias”, i cili u shkatërrua në ndeshjen e boksit që u zhvillua pak muaj më parë, gjatë ndeshjes së Florian Markut.
Dhe për të mbulur atë turp, Federata ka përgatitur këtë skemë ku gjobit klubet e kryeqytetit dhe përfiton para, dhe po me këtë rast mbyll dhe stadiumin me justifikimin e “rregullimit” të stolave./TEMA
