Pas sqarimit rreth dy orë dhe rrëfimit të Efi Dhedhes, edhe Olta Gixhari ka treguar detaje nga jeta e sa personale. Aktorja e njohur është ndalur edhe te marrëdhënia e ngushtë që ka me partnerin e saj.
Madje Olta tha se sa herë përmend atë përlotet. Ajo u shpreh se ai i ka falur një qetësi shpirtërore, që ajo nuk e ka patur më parë. Ajo u shpreh se Dorin nuk e ndërron me asgjë në botë dhe se dashuria e saj për të është ekstreme.
Banorja e “Big Brother VIP2” tha se e kishte shumë të vështirë të bindej për njeriun e jetës së saj, sepse kërkonte dikë ta donte ashtu siç ishte ajo. Më pas Olta shtoi se nuk e kishte imagjinuar kurrë që do të gjente dikë që do ta donte aq shumë.
“Ai njeri më ka dhënë dy gjëra të rëndësishme: 1, të lëshohem totalisht, moj të lëshohem totalisht në krahët e dikujt dhe 2, më ka qetësuar shumë. Ai më ka marrë nga ajri dhe shumë gradualisht, me gjithë mençurinë që ka se është djalë shumë i zgjuar dhe shumë i lexuar, më ka ulur në tokë. Më ka thënë ky është vendi jot, nuk është atje. Atje shkojmë bashkë, shko dhe vetë po deshe herë pas here po ti duhet të rrish këtu se nuk je më aq e vogël. Ai më ka bërë që unë të gjej te vetja një qetësi që unë të mos i shikoj gjërat me sy negativ”, është shprehur ajo.
