Një ngjarje e rëndë ka ndodhur në Kinë, teksa një hotel është shembur i gjithi. Sipas informacioneve të para, dyshohet se 70 persona janë nën rrënoja ndërsa 23 persona të tjerë janë shpëtuar. Këta të fundit mësohet se ndodhen në gjendje të mirë shëndetësore.
Deri më tani nuk dihet se çfarë e ka shkaktuar shembjen e hotelit, shkruan BBC. Por, videot e postuara në rrjetet sociale tregojnë grupet e shpëtimit dhe të emergjencës që punojnë për të nxjerrë njerëzit nga rrënojat.
Sipas mediave kineze thuhet se hoteli përdorej si karantinë për të sëmurët me koronavirus.
