Kryeministri Edi Rama ndodhet në Gjermani, në kuadër të konferencës së Sigurisë 2023, që mbahet në Mynih.
Në një postim në facebook, Rama ndan fotot nga takimi me kryetaren e nënkomitetit për Europën në Senatin Amerikan dhe senatorin Chris Van Hollen.
Kreu i qeverisë shkruan se në këtë takim u diskutua mbi agresionin kibernetik dhe ecurinë e ndërtimit të mbrojtjes kibernetike me mbështetje edhe nga SHBA, planin franko-gjerman për normalizimin e marrëdhënieve mes Serbisë e Kosovës, si edhe rolin e Shqipërisë në bashkëpunimin rajonal në tërësi.
Në Konferencën e Sigurisë në Mynih, Rama shoqërohet nga ministrat e kabinetetit Olta Xhacka e Niko Peleshi.
