Romelu Lukaku do të jetë i disponueshëm për ndeshjen e dytë gjysmëfinale të Interit në Kupën e Italisë kundër Juventusit pasi FIGC(Federata Italiane e Futbollit) anuloi pezullimin e tij.
Sulmuesi belg u përjashtua me karton të kuq për festimin e tij “shh” për turmën vendase në ndeshjen e parë, pas një sërë ofendimesh dhe gjestesh të neveritshme raciste. Pavarësisht dënimit për akte të tilla në të gjithë futbollin italian, pezullomi i Lukakut u la fillimisht në fuqi pasi apeli i Interit u refuzua të premten. Tani, pas reagimeve të forta, federata italiane (FIGC) ka vendosur të ndryshojë vendimin e saj.
Sipas gazetarit italian Daniele Mari, presidenti i FIGC-së Gabriele Gravina zgjodhi të falë Lukakun me zyrtarin që pretendon se “parimi i luftës kundër të gjitha formave të racizmit është një element themelor i sistemit sportiv”.
Në realitet, vendimi vjen pas një reagimi të ashpër. Kundërshtimi ishte i fortë kur u dha për herë të parë pezullimi, por u rrit edhe më ndjeshëm kur apeli i Interit për Lukakun u refuzua ndërsa Juventusi nuk mori asnjë pezullim për tifozët të cilët ishin përgjegjës për gjestet raciste.
