Një situatë e tensionuar është krijuar në Kuvend, ku deputeti i PD Asllan Dogjani ka kërkuar që të flasë për situatën në Kosovë.
Dogjani ka ngritur zërin dhe më pas ka goditur dhe me grusht foltoren, pasi kryetarja e Kuvendit Lindita Nikolla nuk po i jepte fjalën për procedurë.
Dogjani kërkoi që Kuvendi të mbajë një qëndrim për Kosovën pasi situata ka agravuar. Ai madje kërkoi që Kuvendi të dalë me një qëndrim për këtë çështje.
Pjesë nga debati:
Asllan Dogjani: Kam kërkuar që Kuvendi të dalë me një qëndrim për Kosovën, sot situata ka agravuar më tej
Lindita Nikolla: Shkoni në vend do jua jap fjalën në vend.
I ndërpritet fjala
Asllan Dogjani: Ma jep fjalën, për procedurë.
Lindita Nikolla: Mirë keni një minutë kohë për të përfunduar.
Dogjani: Atëherë edhe njëherë unë kam kërkuar në seancën e kaluar që Kuvendi të mbajë një qëndrim. Situata ka agravuar. Janë marrë tre policë peng. Kryeministri i Shqipërisë sillet si kryetar i OKB dhe nuk vjen këtu të japë informacion. Të dalim me një qëndrim dhe të dënojmë sulmet e qeverisë së Serbisë ndaj Kosovës. Duhet të dalim patjetër me një qëndrim.
