Federata e Futbollit e Kosovës ka publikuar sot listën me emrat e futbollistëve të thërritur për miqësoren që do luhet me Suedinë me 12 janar në Doha të Katarit.
Përzgjedhësi i Kosovës, Bernard Challandes, ka ftuar që të jenë pjesë e këtij takimi shumë futbollistë që luajnë për Superligën vendase.
Nga totali prej 25 lojtarësh që do janë përzgjedhur për këtë ndeshje 13 prej tyre luajnë në Superligën e Kosovës.
Ai ka kërkuar që të bashkohen me Kombëtaren e Kosovës emra të tillë si Jetmir Topalli, Arbër Hoxha e Blendi Baftiu, të cilët ftohen për herë të parë nga ekipi Ai vendit.
Në një postim në faqen zyrtare në “Facebook”, ekipi Ballkani u ka uruar sukses në këtë takim lojtarëve të tij
“Super 3-shja e klubit tonë për herë të parë ftohen nga Kombëtarja A , shumë suksese me fanellën e Kosovës Luana, na bëni krenar”-shkruhet në postim.
Ndërkohë nga klubi i Gjilanit është ftuar mbrojtësi Edison Kqiku, ndërsa nga skuadra e Llapit kërkesë për tu bashkuar me kombëtaren i është bërë mesfushorit Valmir Veliu.
Ndërkohë, trajneri i kombëtares kosovare, Gani Sejdiu ka thënë se ftesa për lojtarët e Superligës është që mundësi e mirë që këta të fundit të tregojnë veten dhe po ashtu të ndikojnë në të ardhmen e tyre e të kombëtares.
“Kjo është një listë vetëm për miqësore dhe e cila pastaj nuk merret parasysh për kualifikuese, por është një rast i mirë për lojtarët e Superligës, që të tregojnë vlerat e tyre dhe njëkohësisht një test i një niveli më të lart. Mua personalisht më ka pëlqyer ky vendim që në këtë miqësore të ftohen lojtarët e Superligës, sepse kjo e promovon ligën dhe i motivon lojtarët për më shumë profesionalizëm nëpër klube sepse edhe prej Superligës ju vjen rasti në kombëtare”-u shpreh Sejdiu./Përgatiti: Fjala.al/