Një aksident ka ndodhur në qytetin e Sarandës. Policia ka njoftuar se një i mitur është përplasur nga një automjet tip “Jeep”.
Policia ka identifikuar dhe shoqëruar shoferin e automjetit, shtetasin me inicialet A.S. 69 vjeç, i cili është banues në Gjermani.
Raportohet se i mituri është transportuar në spital dhe është nën kujdesin e mjekëve, jashtë rrezikut për jetën.
Blutë bëjnë me dije se grupi hetimor ndodhet në vendin e ngjarjes dhe vijon veprimet hetimore për zbardhjen e plotë të rrethanave dhe shkakut të aksidentit.
“Në lagjen nr. 1, Sarandë, shtetasi A. S., 69 vjeç, banues në Sarandë, dyshohet se duke drejtuar automjetin e tij tip “Jeep” ka goditur nje fëmijë të mitur 4 vjeç, banues në Gjermani.
4-vjeçari është shoqëruar në spital për ndihmën e nevojshme mjekësore dhe ndodhet jashtë rrezikut për jetën.
Drejtuesi i automjetit është shoqëruar në Komisariatin e Policisë për veprime të mëtejshme.
Grupi hetimor ndodhet në vendin e ngjarjes dhe vijon veprimet hetimore për zbardhjen e plotë të rrethanave dhe shkakut të aksidentit”, thuhet në njoftimin e policisë.
