Drejtoresha e Autoritetit Kombëtar të Ushqimit, Jeta Deda është shprehur se anija ku hëngrën dhe u helmuan 20 fëmijët polakë pak ditë më parë, ishte e paautorizuar për të shërbyer ushqim në ambientet e saj.
Gjatë një interviste televizive, Deda u shpreh se deri më tani janë bërë verifikime në anijen ku konsumuan ushqim fëmijët polakë, por edhe në subjektet e tjera ku kanë ndaluar grupi i turistëve, duke marrë mostra për analiza, por rezultatet ende nuk kanë dalë.
“Nuk verifikuam vetëm anijen ku konsumuan ushqim, por edhe subjektet e tjera ku kanë ndaluar grupi i turistëve, janë marrë mostra për analiza, por rezultatet ende nuk kanë dalë. Në anijen ku ata kishin kryer një tur kishin konsumuar ushqim, ndërkohë që ajo ishte një anije që nuk ishte e autorizuar dhe nuk kishte deklaruar që do të shërbente ushqim”, tha drejtuesja e AKU./E.T
