Dhuna në familje mbetet një nga problematikat më të mëdha të qarkut juglindor.
Së fundmi, është arrestuar në Devoll një 36-vjeçar, pasi ka ushtruar dhunë ndaj bashkëshortes së tij në prani të fëmijëve. Denoncimi u bë ditën e djeshme, ndërsa ai u arrestua në orët e vona të mbrëmjes nga komisariati i Policisë së Devollit
Sa i përket kësaj problematike, në Bashkinë e Devollit në bazë të statistikave, janë konstatuar rreth 12 raste të dhunës për një periudhë kohore të 3 muajve të fundit, ku janë pajisur me urdhër mbrojtje të dhunuarat nga bashkëshortët.
City News Albania ka siguruar edhe statistikat në qark, ku më konkretisht, në 9 muajt e fundit janë arrestuar 35 shtetas, 2 të ndaluar, 61 të tjerë në gjendje të lirë dhe 5 të shpallur në kërkim./I.S
