Adele ka vlerësimet më të larta për Dua Lipën të cilën e ka konsideruar si “yllin e ri të muzikës pop”.
Këtë deklaratë e ka bërë gjatë një interviste për “The Hollywood Reporter” në eventin e tyre “Women in Entertainment”, ku foli për përvojën e saj në industrinë e muzikës dhe jetën aktuale në Los Angeles.
Mes të tjerash, ajo u shpreh e emocionuar për rikthimin e Dua Lipës në muzikë.
“Jam gjithashtu shumë e emocionuar që Dua Lipa është rikthyer. Kur dëgjova për herë të parë ‘I’ve got new rules, I count ’em’, më kujtohet që i thashë menaxherit tim, ‘Uau! Ajo do të jetë ylli i ri i muzikës pop. Jam shumë e emocionuar që është rikthyer në muzikë”.
Adele dhe Dua dolën edhe një foto bashkë dhe fansat menjëherë filluan me kërkesën në komente: “Duan një bashkëpunim mes tyre!”.
