Një 26-vjeçar nga Tirana është vënë në prangat e policisë, pasi gjatë derbit Partizani-Tirana hodhi fishekzjarre në fushë.
Specialistët e hetimit e krimit në Komisariatin e Policisë Nr. 1 kanë arrestuar në flagrancë shtetasin A. B., 26 vjeç, lindur dhe banues te “Bregu i lumit”, Tiranë.
Vënia në pranga e tifozit u bë më 13.12.2019 , pasi sipas specialistëve të hetimit të krimit, ky person ka hedhur fishekzjarre në stadiumin ‘Air Albania” gjatë kohës që po zhvillohej ndeshja midis ekipit të Partizanit dhe atij të Tiranës.
Shtetasi me inicialet A.B u identifikua nga policia nga kamerat e sigurisë së stadiumit. Materialet procedurale për këtë çështje i kaluan Prokurorisë se Rrethit Gjyqësor Tiranë, ku 26-vjeçari akuzohet për veprën penale “Veprime të dhunshme në aktivitet sportive”.
Poashtu nga Komisariati Nr. 1 në bashkëpunim me Prokurorinë dhe stafin që merret me menaxhimin e stadiumit, po vijohen punimet për identifikimin dhe procedimin penalisht e administrativisht të personave që kanë dëmtuar stolat dhë kanë hedhur fishekzjarre gjatë kësaj ndeshje./Përgatiti: Fjala.al/
