Hulumtimi: Kafja zvogëlon rrezikun e përsëritjes së kancerit të zorrëve

113 563 lexime

124,178FansaPëlqeje

Njerëzit që pinë dy deri në katër filxhanë kafe në ditë kanë një rrezik më të ulët të përsëritjes së kancerit të zorrëve, sipas një studimi të ri shkencor të botuar në Revistën Ndërkombëtare të Kancerit. Studiuesit britanikë dhe holandezë studiuan 1719 njerëz me kancer në zorrë dhe zbuluan se ata që pinin të paktën dy filxhanë kafe në ditë kishin një rrezik më të ulët të përsëritjes së sëmundjes.

Siç vë në dukje Guardian, studiuesit arritën në përfundimin se pacientët që pinin më shumë kafe panë që rreziku i tyre të ulet më shumë. Në mënyrë indikative, pjesëmarrësit e hulumtimit që pinin të paktën pesë filxhanë në ditë kishin 32% më pak gjasa të zhvillonin përsëri kancerin e zorrëve, krahasuar me ata që pinin më pak se dy filxhanë. Në të njëjtën kohë, nivelet më të larta të konsumit të kafesë duket se janë të lidhura fort me shanset e një pacienti për të mbijetuar, ndërsa në lidhje me rrezikun e rikthimit, ata që kanë pirë të paktën pesë filxhanë panë mundësinë e tyre për vdekje të ulet me 29%.

“Fakti që ky studim tregon se pirja e tre deri në katër filxhanë kafe mund të zvogëlojë gjasat e përsëritjes së kancerit të zorrës së trashë është interesant”, tha udhëheqësi i ekipit hulumtues, Dr. Ellen Kampmann, profesoreshë e të ushqyerit dhe sëmundjeve në Universitetin Wageningen në Holandë.

Mark Gander, bashkautor i studimit dhe mbajtës i katedrës së epidemiologjisë dhe parandalimit të kancerit në shkollën e Shëndetit Publik të Imperial College London, theksoi nga ana e tij se gjetjet “janë befasuese, pasi ne nuk e kuptojmë vërtet pse kafeja ka të tilla efekt në pacientët me kancer të zorrëve. Por ato janë gjithashtu shumë premtuese, pasi mund të tregojnë një mënyrë për të përmirësuar prognozën dhe mbijetesën e pacientëve me kancer të zorrëve”./E.Ç

Të fundit

Plumbat e luftës, brenda muzeve fantazmë të Ukrainës

Ekspozitat zëvendësohen nga fragmentet e luftës dhe pushtimit nga Charlotte Higgins Një statujë gjigante e stilit kubist nga epoka sovjetike, që...

Hapen regjistrimet në Arsimin Profesional/ Ja ku mund të aplikoni

Kryeministri Edi Rama ka bërë një postim në rrjetin e tij social Facebook, ku njofton se janë hapur regjistrimet për Arsim Profesional. Rama bën me...

Qumështi dhe bulmeti vetëm me faturë, nisin inspektimet në terren

Ministrja e Bujqësisë, Anila Denaj, ka publikuar foto nga nisja e inskpektimeve në biznese të të gjitha niveleve për të siguruar faturimin e detyrueshëm...

Grabitje në Dibër, hajdutët nuk kursejnë as frigoriferin, para, bizhuteri e ushqime

Një banesë është grabitur mbrëmjen e së shtunës në fshatyin Kastriot të Dibrës. Mësohet se persona ende të paidentifikuar nga policia kanë hyrë në...

Pas porosisë së Ramës, Bashkitë hapin zyrat për të ndihmuar pensionistët me e-Albania

Kaluan vetëm disa orë nga porosia e Kryeministrit Edi Rama që Bashkitë në të gjithë territorin të hapin zyrat e asistencës për pensionistët që...

Lajme të tjera

Web TV