Kuvendi miraton të gjitha projektligjet në rendin e ditës, mes tyre ndryshimet në Kodin Penal si dhe rrëzon dy dekretet e Presidentit Meta për çështjen e pronave dhe ligjin anti-KÇK.
Sipas Ruçit janë pasqyruar në ligjin e miratuar edhe rekomandimet e Metës si dhe janë dakordësuar me shumicën dërrmuese të grupeve parlamentare.
Kjo do të thotë se masa apo dënimi më i thjeshtë për një qytetar për shkelje të masave është gjobë- burg 6 muaj kurse kur e ka bërë atë në një subjekt tregtar do të jetë deri në 2 vite burg.
Më tej moszbatimi i urdhërit të karantinimit nga mbartësi ose jo i sëmundjes infektive dënohet me 2-3 vite burg.
Përhapja me dashje e sëmundjes infektive nëpërmjet veprimeve apo mosveprimeve dënohet me burg 2-5 vite.
Ndërkohë nëse shkakton pasoja të rënda me dashje në jetën e njerëzve duke përhapur COVID-19 atëhere dënimi është nga 3-8 vite burg.
Dhe në fund kush shkakton nëpërmjet përhapjes së COVID-19 vdekjen e një njeriu tjetër dënimi parashikohet 5-10 vite burg.
