Prej ditës së djeshme (30 qershor) është hapur aksi rrugor Thumanë-Kashar.
Autostrada e kategorisë A, me shpejtësi të lejuar deri në 130 kilometra në orë, pritet të lehtësojë ndjeshëm trafikun sidomos në sezonin turistik, për shkak të fluksit të turistëve që vijnë nga Rinasi.
Ky aks është një nga më të rëndësishmit e “Korridorit blu” që lidh veriun me jugun, me vlerë totale 226 milionë euro, kurse në 35 vitet e kohëzgjatjes së kontratës, koncesionari pret të fitojë 1.3 miliardë euro.
Kalimi do të jetë me pagesë, vlera e të cilës do varet nga lloji i mjetit, por që nuk do të jetë më poshtë se 2.1 euro. Tarifa do të përllogaritet çdo vit, dhe kompania private do mund ta rrisë atë në varësi të luhatjeve të kursit të këmbimit lekë euro. Megjithatë do të ketë edhe rrugë alternative, dhe kalimi do të jetë pa pagesë për qytetarët./e.t