Maatje Benassi, pjesëtare e ushtrisë amerikane në rezervë, nënë e dy fëmijëve, është bërë shënjestra e teoricienëve të komplotit. Ata e kanë e akuzuar se ka krijuar ajo koronavirusin në Wuhan të Kinës.
Teoritë konspiracioniste u përhapen në YouTube dhe deri më tani është parë nga mijëra njerëz duke thënë se ajo është pacienti zero që përhapi koronavirusin në mbarë botën, transmeton CNN.
Megjithëse Benassi nuk është testuar nëse është me koronavirus bashkë me burrin e saj, pasi nuk ka pasur simptoma ajo është shndërruar në tabelë qitjeje nga mediat sociale në Kinë të cilat e akuzojnë për përhapjen e koronavirusit.
Akuzat ndaj saj, të cilat janë koordinuar në shkallë të gjerë, ia kanë kthyer jetën në një ferr të vërtetë, aq sa edhe adresën e saj të shtëpisë ia publikuan në internet. Ndërsa profilet e saj dhe të bashkëshortit janë mbushur me mesazhe të shumta nga teoricienët e teorive konspiracioniste. 
“Kjo është si të zgjodhesh nga një ëndërr e keqe dhe ta përjetosh këtë makth ditë–pas dite” tha Maatje Benassi për CNN Business. Kjo është hera e parë që ajo flet publikisht që kur është sulmuar në internet me akuzën se ka krijuar koronavirusin.
Teoritë konspiracioniste mbi koronavirusin nuk janë të pakta. Para se Maatje Benassi të bëhej protagonistja kryesor në shenjestrën e këtyre grupeve, në internet qarkullonin edhe teori të ndryshme. Në javët e para të koronavirusit, teoricienët e konspiracionit filluan të pretendojnë se Covid-19 ishte një armë biologjike e SHBA-ve.
Më vonë një anëtar i qeverisë kineze tha publikisht se ka qenë ushtria amerikane ajo që solli virusin në Kinë.
Sekretari amerikan i mbrojtjes Mark Esper tha se ishte “plotësisht qesharake dhe është e papërgjegjshme” për dikë që flet në emër të qeverisë kineze që të bëjë një deklaratë të tillë.
Më pas teoricienët u kapën me Maatje Benassi, të cilën e kanë akuzuar për pjesëmarrjen e saj në tetor në Lojërat Botërore Ushtarake, e cila u zhvillua në Wuhan, aty ku nisi shpërtheu edhe koronavirusi vitin e kaluar.
Maatje Benassi garoi në garën e çiklizmit atje, duke pësuar një aksident në xhiron e fundit që e la me një brinjë të thyer dhe një tronditje./Përshtati nga CNN për Fjala.al, B.Quku
