Gjatë 24 orëve të fundit në vendin tonë janë shtuar 6 ratse të reja pozitive me koronavirus. Qytetet ku janë rritur shifrat janë Kruja e Kurbini me 5 raste dhe Tirana me vetëm 1 rast të ri.
Gjatë përditësimit të të dhënave Ministria e Shëndetësisë theksoi ndër të tjera se qytetet që kanë numrin më të madh të personave aktiv me Covid-19 janë Kruja me 91 raste e më pas vinë Tirana, Kurbini e Shkodra.
“Ju informojmë për situatën epidemiologjike të përhapjes së COVID19 në vend dhe për lehtësimin e masave nga dita e hënë.
Nga 197 testimet e kryera gjatë 24 orëve të fundit për persona të dyshuar me COVID-19, janë vetëm 6 raste pozitive, që i përkasin Krujës dhe Kurbinit dhe vetëm 1 rast pozitiv në Tiranë.
Sa i përket personave që aktualisht janë aktivë me COVID19, Kruja është në vend të parë me 91 raste, e ndjekur nga Tirana, Kurbini, Shkodra dhe në total janë 233 persona aktivë me COVID19.
Pjesa më e madhe e rasteve aktive po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive.”-u tha në komunikimin e Ministrisë./Fjala.al/
