Pasi bëri një fushatë të tërë ndërkombëtare duke bllokuar edhe dialogun për shkak të bllokadës së vendosur nga Kosova, tani është Serbia që mban të mbyllur kufirin midis dy shteteve. Ministri i Jashtëm kosovar, Glauk Konjufca ka denoncuar vendimin e Beogradit për të mos hapur kufirin me Kosovës, njësoj siç ka vepruar me shtetet e tjera fqinje.
“Qeveria e Kosovës dënon qasjen diskriminuese dhe të pabarabartë ndaj Kosovës. Serbia ka hapur kufijtë për qytetarët nga të gjithë shtetet e rajonit, por jo për qytetarët e Kosovës”, shkruan Konjufca në ‘Tëitter’.
Kryediplomati kosovar paralajmëron për përgjigje reciproke ndaj Serbisë.
“Kjo qasje provon edhe një herë se Serbia nuk është e interesuar për normalizimin e marrëdhënieve me Kosovën. Republika e Kosovës do i përgjigjet në mënyrë reciproke kësaj pengese të Serbisë për qytetarët e Kosovës”, shprehet Konjufca.
-Kufijtë/ Serbia provokon Kosovën nëpërmjet Shqipërisë, ende asnjë reagim nga Tirana
