Një ngjarje e rëndë është regjistruar mëngjesin e sotëm në zonën e Currilave në Durrës, ku një person është gjetur i vdekur.
Më konkretisht bëhet fjalë për kufomën e një femre e cila është gjetur në afërsi të bregut të detit, nga peshkatarët të cilët lajmëruan policinë.
Burime nga policia bënë me dije se rreth orës 08:30, në lagjen nr.1,Durrës, është gjetur e mbytur në det një shtetase e seksit femër ende e paidentifikuar.
Grupi hetimor ndodhet në vendngjarje dhe po punon për zbardhjen e ngjarjes. Trupi i pajetë është dërguar në morg, ku pritet ti nënshtrohet ekspertizës mjeko-ligjore.
Nuk dihen ende rrethanat e vdekjes së viktimës, ndërkohë që hetimet janë në vijim.
