Pas barazimit pa gola me Serbinë në “Air Albania”, transferta e sotme e kombëtares shqiptare me Letoninë nuk rezultoi e suksesshme.
Në minutën e 21-të, Strakosha u bë hero duke pritur penalltinë e goditur nga Ikaunieks. Portieri kuqezi e pati shumë të thjeshtë të ndalte letonezin.
Manaj shënoi golin e avantazhit për Shqipërinë në të 29′ dhe u duk sikur kuqezinjtë do ta kishin të lehtë këtë sfidë, por nuk qe kështu.
Cernomordijs shënoi në sekondat e fundit të pjesës së parë për Letoninë, duke barazuar rezultatin. Aktivizimi i Ernest Mucit në pjesën e dytë nuk solli frytet e pritura nga Sylvinho dhe tifozët kuqezi.
Kombëtarja luftoi deri në fund për fitoren, por nuk ia doli. Rrugëtimi ynë në kualifikueset e Botërorit nuk kanë asnjë dritë në fund të tunelit, duke qenë se fitorja me Letoninë ishte domosdoshmëri për renditjen. m.p.
