Një ngjarje e rëndë ka tronditur komunën e Deçanit, ku një nënë e re dhe djali i saj kanë ndërruar jetë. Lajmin e hidhur e ka ndarë kryetari i komunës, Bashkim Ramosaj, përmes një postimi prekës në rrjetet sociale.
“Na e keni vrarë zemrën sot! Lagjes sonë ka me i mungu buzëqeshja e mirësia jote Elzina Halit Ramosaj dhe birit tënd Elonit!”, ka shkruar Ramosaj, duke shprehur dhimbjen dhe tronditjen për humbjen tragjike.
Detajet mbi shkaqet e vdekjes nuk janë bërë ende të ditura, ndërkohë që lajmi ka prekur thellë komunitetin lokal. Ngushëllimet për familjen Ramosaj kanë vërshuar nga qytetarë dhe figura publike, ndërsa Deçani është zhytur në zi pas kësaj tragjedie familjare. m.p.
